Dr. Theo de Jager, voorsitter van die Saai-direksie, sê die organisasie spits hom toe op familieboerderye en is tot die beskerming en bevordering van dié boere se regte, waardes, ideale en behoeftes in die primêre produksiesektor verbind. Saai gaan as ‘n nasionale eenheidstruktuur bestuur word en gaan direk met sy lede kommunikeer. Saai is ook in die proses om samewerkings- en netwerkooreenkomste, en wedersydse ondersteuning met landbou-ondernemings, bedryfsorganisasies, navorsingsinstellings en landbou-organisasies te formuleer.

Saai sal deurentyd optree in die belang van familieboerderye. Hy sê verder Saai is bewus van die droogtetoestande en die letsel wat dit laat. Daar is klimaatsverwante rampe wat meer intens raak en daar sal gekyk moet word na ‘n meganisme om boere wat slagoffers van die natuurrampe is, weer op die been te kry. Hy sê Saai sal sy vingers stomp werk in dié stryd. OFM-nuus se Christal-Lize Muller het met De Jager gepraat.

Dit was dr. Theo de Jager, voorsitter van die Saai-direksie, slegs op OFM.

OFM-nuus