Dié vergadering is verlede Woensdag gehou om antwoorde by die Departement van Landbou, Grondhervorming en Landelike Ontwikkeling, oor die uitbreking van dié virussiekte onder beeskuddes in die Molemole-munisipale gebied in Limpopo te kry. Die Direkteur-Generaal (DG) van die Departement van Landbou, Grondhervorming en Landelike ontwikkeling, Michael Mlengana, en ander betrokkenes soos die Uitvoerende Direkteur van die Nasionale Dieregesondheidsforum, dr. Pieter Vervoort, moes verduidelik oor die swak deurgee van inligting aan produsente en veilingshuise.

Hulle moes ook verduidelik oor die regering se beroep dat veilings van lewende hawe in Limpopo, Mpumalanga, Gauteng en Noordwes tydelik gestaak moet word. Die Bek-en-klouseer-forum is ná die vergadering gestig om aanbevelings te maak aan die departement in ‘n poging om die verspreiding van besmette diere te verhoed. Annette Steyn, ‘n LP en die DA se skaduminister van Landbou, is op dié komitee nadat sy ook dié vergadering op versoek van boere in dié distrik bygewoon het.

OFM-nuus se Christal-Lize Muller het met Steyn gepraat…

Sien onderstaande PODCAST

Annette Steyn, ‘n LP en die DA se skaduminister van Landbou. Dié forum bestaan onder meer uit verteenwoordigers van dié twee veilingshuise, die Rooivleisprodusente-organisasie (RPO), en boere. Paul van Vuuren, direkteur van die veilingshuis, André Kock en Seun in Limpopo, is die voorsitter van dié forum.

OFM-nuus