Mielies:

Die internasionale energiepryse het steeds ? impak op die Amerikaanse mieliemark, met die Amerikaanse verbruik wat daardeur beïnvloed word.

Die Amerikaanse aanplantings bly steeds ? groot aspek van die mark en die verwagting is dat die aanplantings hierdie seisoen naby aan rekord vlakke sal wees.

Die plaaslike mieliemark het gister meestal onder druk gekom en het laer verhandel in meeste van die kontrakmaande wat  gelys is vir beide wit- en geelmielies.

Die witmieliemark het vir lewering in Julie 2020 R34/ton laer verhandel vir die dag om teen R2 372/ton te sluit. Die geelmieliemark het vir lewering in Julie 2020 R39/ton laer verhandel om teen R2 496/ton te sluit.

Sojabone:

China koop steeds baie Suid-Amerikaanse sojabone aan met die Suid-Amerikaanse sojabone wat steeds goedkoop is.

Die Amerikaanse sojaboon uitvoer is steeds beperk, maar behoort in die tweede helfte van die seisoen toe te neem wanneer die Suid-Amerikaanse voorrade begin daal.

Die plaaslike sojaboonmark het gister meestal ondersteuning gevind en het sterker verhandel vir die dag in meeste van die kontrakmaande wat gelys is.

Die plaaslike sojaboonmark het vir lewering in Julie 2020, R17/ton hoër verhandel vir die dag om teen R6 258/ton te sluit.

Koring:

Die Amerikaanse koringmark verhandel gemeng met die swakker doller wat ondersteuning aan die mark bied, terwyl goeie produksietoestande in die Europese Unie (EU) die mark onder druk hou.

Die Russiese koring produksietoestande vir die nuwe seisoen lyk goed.

Die plaaslike koringmark het gister meestal onder druk gekom en het laer gesluit vir die dag in meeste van die kontrakmaande wat tans gelys is.

Die plaaslike koringmark het vir lewering in Julie 2020, R41/ton laer verhandel om teen R5 309/ton te sluit.

OFM-nuus