Mielies:

Die Amerikaanse termynkontrakte van Julie vir mielies het vanoggend gestyg op grond van die nuus dat die Amerikaanse mielie-oes effens afgegradeer is. Die nuwe termynkontrakte vir Desember het ook hoër gesluit.

Mielie-uitvoervolumes het tekens van swakheid begin toon, nadat die Amerikaanse Departement van Landbou se weeklikse uitvoerverslag 'n 132 000 ton daling getoon het vir die week wat op 9 Julie geëindig het.

Die plaaslike mieliemark het gister meestal wisselvallig voorgekom en het oorheersend laer verhandel vir die dag in meeste van die kontrakmaande wat gelys is vir wit én geelmielies.

Die witmieliemark het vir lewering in Julie 2020 R4 per ton hoër verhandel vir die dag om teen R2 569 per ton te sluit. Die geelmieliemark het vir lewering in Julie 2020 R1 per ton laer verhandel om teen R2 651 per ton te sluit.

Sojabone:

Tydige naweekreën het die oesontwikkeling verbeter, maar daar is nog steeds tekens van hittestresskade vir die Amerikaanse sojaboonoes, dus het die afgradering van USDA die Augustus-termynpryse laat styg.

Die tydige reën laat in die week het egter gewastoestande bestendig gehou, met 68% van die land se oes in 'n goeie tot uitstekende toestand.

Die plaaslike sojaboonmark het gister meestal onder druk gekom en het laer verhandel vir die dag in meeste van die kontrakmaande wat gelys is.

Die plaaslike sojaboonmark het vir lewering in Julie 2020, R8 per ton laer verhandel vir die dag om teen R6 862 per ton te sluit.

Die termynkontrakte van koring het versterk weens die verswakking van die lentekoringtoestande en die oesskattingsprojeksies in die Swartsee-lande wat verminder is.

Koring: 

Die vordering van die oes neem steeds toe vir die winterkoringoes in 2020. Ongeveer 68% van die Amerikaanse winterkoringoes is vanaf Sondag geoes, teenoor 56% 'n week gelede. Die vordering van die oes is steeds 2% hoër as die gemiddeld van 5%.

Die plaaslike koringmark het gister meestal ondersteuning gevind en het hoër verhandel vir die dag in meeste van die kontrakte wat gelys is.

Die plaaslike koringmark het vir lewering in Julie 2020, R27 per ton hoër verhandel om teen R5 501 per ton te sluit.

OFM-nuus