Agri Hour
Plaaslike graanprys onder druk weens wêreldwye oorskot─── CHRISTAL-LIZE MULLER 05:00 Tue, 28 Jul 2020
'n Oorskot van graanvoorraad in die wêreld is nie goed vir die plaaslike bedryf nie.
Dr. Dirk Strydom van Graan SA (GSA) meen as die groot Suid-Afrikaanse graanoes wat dié seisoen verwag word, met 2017 se oes vergelyk word is dit nie op dieselfde vlak nie. Dit word aan toenemende verbruiksyfers toegeskryf. OFM-nuus se Christal-Lize Muller het met hom gepraat...
Sien onderstaande PODCAST
Die vorige jaar was daar 'n rekord verbruiksyfer gewees en vanjaar lyk dié syfer ook goed. Daarmee saam is Suid-Afrika se uitvoer na Afrika goed en dit ondersteun pryse. Die baie koringvoorraad wat in die wêreld beskikbaar is plaas dus druk op die hele plaaslike geldelike sisteem en op marges, omdat SA se pryse afhang van wat in die internasionale mark plaasvind. Dit is die situasie, omdat Suid-Afrika meeding in die internasionale mark en dit kom daarop neer dat plaaslike pryse onder druk is.
Strydom sê in die afgelope vier tot vyf jaar se siklus van hoë voorraad in die sisteem is die marge in die graanbedryf knap gehou en daar was min ruimte vir herstel gewees. Daar sal 'n regstelling in die internasionale mark moet wees in terme van voorrade.
OFM-nuus