Mielies:

Die vooruitsigte vir groot opbrengste ondanks oesskade in Iowa het veroorsaak dat termynkontrakte vir mielies laer verhandel vanoggend. Markte het ook  angstig geraak vir meer uitvoernuus.

Etanolproduksie vir die week geëindig 14 Augustus het byna 1% gestyg tot 147.25 miljoen liter per dag. Etanolvoorraad het van die vorige week met 82.52 miljoen liter toegeneem tot 3.2 miljard liter.

Die plaaslike mieliemark het gister meestal ondersteuning gevind en het versterk oor alle kontrakmaande wat tans gelys is.

Die witmieliemark het vir lewering in September 2020 R48/ton hoër verhandel vir die dag om teen R2 942/ton te sluit. Die geelmieliemark het vir lewering in September 2020 R11/ton verhandel om teen R2 950/ton te sluit.

Sojabone:

Wisselvallige handelsbesprekings met China, sowel as gunstige weervoorspellings vir die sojaboonoes, het druk op sojaboon termynkontrakte geplaas. Markte is besorg oor die vooruitgang van China met Fase 1-handelsooreenkomste, en wag op die uitvoerdata om te bevestig dat China bereid is om Amerikaanse soja aan te koop.

China het gisteroggend weer 'n daaglikse blitsverkoping bespreek, ondanks 'n onderbreking in die handelsooreenkoms tussen die VSA en China Dinsdag. Private uitvoerders het via USDA berig dat Chinese kopers 193 000 ton sojabone in die bemarkingsjaar 2020/21 vir aflewering bespreek het.

Die plaaslike sojaboonmark het gister onder druk gekom en het in die dag se verhandelinge laer gesluit oor alle kontrakmaande wat tans gelys is.

Die plaaslike sojaboonmark het vir lewering in September 2020, R16/ton laer verhandel vir die dag om teen R7 484/ton te sluit.

Koring:

Koringpryse in die VSA het die mieliepryse vanoggend laer gevolg, met verliese ook onderliggend aan toenemende Russiese produksie- en uitvoervoorspellings. 'n Effens sterker dollar het ook bygedra tot die swakker pryse in die koringmark, aangesien die ICE Dollar-indeks 0,06% hoër was.

Die uitvoer van koring het 23% onder die vorige vierweke-gemiddelde gedaal, tot 408 000 ton. Japan het byna 'n derde van die totaal met 133 000 ton ingeneem.

Die plaaslike koringmark het gister wisselvallig verkeer en  het gemeng verhandel oor die verskeie kontrakmaande wat tans gelys is.

Die plaaslike koringmark het vir lewering in Desember 2020, teen R25/ton verhandel om teen R4 906/ton te sluit.

OFM-nuus