Agri Hour
Veilingspryse vir vee styg steeds─── CHRISTAL-LIZE MULLER 06:00 Thu, 10 Sep 2020
'n Bekende in die veebedryf, Chris Derksen, verskaf soos oudergewoonte die veilingspryse vir lewende hawe.
Hy versprei dié inligting sodat produsente en kopers dieselfde inligting tot hul beskikking het om sodoende ingeligte besluite te kan neem met die aankoop en verkoop van lewende hawe op veilings. Die Noord-Vrystaat word as 'n indeksgebied gebruik. Hier is Derksen ...
Sien onderstaande PODCAST
Derksen sê dit is goeie nuus dat die openbare siening oor die belang van landbou en die status van die bedryf verbeter het. Boere as kosverskaffers kry nou erkenning en die gehalte van boere in die land wat kos voorsien, is 'n reuse kompliment vir hulle. Hy meen die veilingspryse vandeesweek is sekerlik van die hoogste wat hy in die afgelope vier jaar waargeneem het. Speenkalwers, onder 200kg, het teen R39,77 per kg verkoop, terwyl speenkalwers tussen 200kg en 250kg, teen R38,25, en speenkalwers oor 250kg, teen R34,01 per kg verkoop het.
Ander veilingspryse vir beeste:
| A-klas beeste | R26,32 per kg | ||||||
| B-klas beeste | R23,48 per kg | ||||||
| C-klas vet koeie | R22,63 per kg | ||||||
| Maer koeie | Wissel tussen R17,00 en R19,55 per kg | ||||||
| Slagbulle | R23,55 per kg | ||||||
| Skape | |||||||
| Stoorlammers | R50,04 per kg | ||||||
| Slaglammers | R43,00 per kg | ||||||
| Stoorskape | R36,11 per kg | ||||||
| Vetskape | R34,05 per kg | ||||||
| Bokke | |||||||
| Lammers | R70,00 per kg | ||||||
| Ooie | R40,58 per kg | ||||||
OFM-nuus
