Mielies:
 
'n Kleiner as verwagte 2020-mielieoes deur USDA se maandelikse WASDE-verslag het Maandag-termynkontrakte in die VSA laat styg. 

Hitte-spanning en droogte verhoog die rypwordingstempo. Vanaf 6 September het 25% van die Amerikaanse mielies volwassenheid bereik, 6% hoër as die vyf jaar gemiddelde. 

Die plaaslike mieliemark het Maandag meestal gemeng verhandel oor die verskeie kontrakmaande wat tans gelys is van wit- en geelmielies. 

Die witmieliemark het vir lewering in September 2020 R5/ton laer verhandel vir die dag om teen R3 256/ton te sluit. Die geelmieliemark het vir lewering in September 2020 R9/ton hoër verhandel om teen R3 181/ton te sluit.

 
Sojabone:

Sojabone het Maandagoggend hul Vrydag-stygings voortgesit toe die sojaboonpryse vir November in die VSA gestyg het. Die termynkontrak van Oktober het ook gestyg terwyl die sojameel-termynkontrakte van Oktober gedaal het met die hoop om veevoer-aankopers te lok.  

Koeler temperature en matige reënval in die Midde-Weste van die VSA verlede week het die grondvogvlakke aangehelp en het 'n bietjie verligting gebied. 

Die plaaslike sojaboonmark het Maandag meestal ondersteuning gekry en het sterker verhandel vir die dag in meeste van die kontrakmaande wat tans gelys is. 

Die plaaslike sojaboonmark het vir lewering in September 2020, R62/ton laer verhandel vir die dag om teen R7 800/ton te sluit.

 
Koring:

Stygende Russiese koringpryse en 'n toename in invoer uit Egipte, die grootste koringinvoerder ter wêreld, het Maandagoggend in die VSA die koringpryse ondersteun. 

Ongeveer 5% van die land se beplande winterkoringoes in die Oesvorderingsverslag is verlede week geplant, wat 2% hoër is as die vyfjaar-gemiddelde. Droë toestande in Washington en Colorado het die weg gebaan vir vinnige plantvordering in die eerste week van verslagdoening oor winterkoringaanplanting. 

Die plaaslike koringmark het Maandag onder druk gekom om die dag swakker te verhandel oor alle kontrakmaande wat tans gelys is. 

Die plaaslike koringmark het vir lewering in Desember 2020, R3/ton laer verhandel om teen R4 899/ton te sluit.

OFM-nuus