Agri Hour
Lewendehawe pryse styg steeds─── ELSABÉ RICHARD 05:00 Thu, 17 Sep 2020
'n Bekende in die veebedryf, Chris Derksen, verskaf soos oudergewoonte die veilingspryse vir lewende hawe.
Hy versprei dié inligting sodat produsente en kopers dieselfde inligting tot hul beskikking het om sodoende ingeligte besluite te kan neem met die aankoop en verkoop van lewende hawe op veilings. Die Noord-Vrystaat word as 'n indeksgebied gebruik. Hier is Derksen ...
Sien onderstaande PODCAST
Derksen sê lewendehawe pryse styg steeds. Hy sê Namibië en Botswana is vir alle praktiese doeleindes uit die mark as gevolg van die ernstige droogtes wat dié lande 18 maande gelede ervaar het. Derksen voeg by dat die moontlikheid van uitvoer van lewende beeste na die Midde Ooste ook ‘n positiewe invloed op die mark sal hê. Speenkalwers, onder 200kg, het teen R42,00 per kg verkoop, terwyl speenkalwers tussen 200kg en 250kg, teen R38,50, en speenkalwers oor 250kg, teen R34,30 per kg verkoop het.
Ander veilingspryse vir beeste:
| A-klas beeste | R26,50 per kg | ||||||
| B-klas beeste | R23,25 per kg | ||||||
| C-klas vet koeie | R22,71 per kg | ||||||
| Maer koeie | Wissel tussen R17,00 en R19,12 per kg | ||||||
| Slagbulle | R24,55 per kg | ||||||
| Skape | |||||||
| Stoorlammers | R51,00 per kg | ||||||
| Slaglammers | R42,89 per kg | ||||||
| Stoorskape | R34,00 per kg | ||||||
| Vetskape | R33,52 per kg | ||||||
| Bokke | |||||||
| Lammers | R65,00 per kg | ||||||
| Ooie | R41,00 per kg | ||||||
OFM-nuus
