Mielies:

Die dalende mieliepryse in die VSA het gister die oornag uitvoerbelang van Suid-Korea afgeweer.

Die oespersentasie van mielies het verlede week onder die historiese gemiddeldes gedaal, toe die oes-aktiwiteit momentum begin kry het. Vanaf 20 September is 8% van die Amerikaanse mielies gestroop, wat met 3% gestyg het van die vorige week, maar 2% laer was s die vyfjaargemiddeld.

Die plaaslike mieliemark het Dinsdag meestal ondersteuning gevind en het sterker verhandel vir die dag in meeste van die kontrakte van wit- én geelmielies wat tans gelys is.

Die witmieliemark het vir lewering in September 2020 R24/ton laer verhandel vir die dag om teen R3 412/ton te sluit. Die geelmieliemark het vir lewering in September 2020 R4/ton laer verhandel om teen R3 280/ton te sluit.

Sojabone:

Die sterk vraag van China beperk die verliese wat gisteroggend voortgeduur het. Beter as verwagte graderings van sojaboontoestande het die prys van termynkontrakte vir sojabone ook laer gedwing in die oornagverhandeling.

USDA het die eerste week van die soja-oes gerapporteer in hul weeklikse Oesvorderingsverslag wat gistermiddag bekend gemaak is. Vanaf 20 September is 6% van die Amerikaanse sojabone geoes, met die grootste vordering van suidelike state. USDA se weeklikse lesing was in ooreenstemming met die gemiddelde van vyf jaar.

Die plaaslike sojaboonmark het Dinsdag meestal ondersteuning gevind en het sterker verhandel vir die dag in meeste van die kontrakmaande wat tans gelys is.

Die plaaslike sojaboonmark het vir lewering in September 2020, R6/ton hoër verhandel vir die dag om teen R8 096/ton te sluit.

Koring:

Koringpryse het gisteroggend gestyg namate Egipte die aanbiedinge van 'n onlangse tender aanvaar het wat 'n positiewe teken vir internasionale koringaktiwiteit was.

Droë gronde regoor die VSA het 'n vinniger seisoen winterkoring aanplanting bewerkstellig. Vanaf 20 September is 20% van die land se winterkoringoes vir 2021 aangeplant, 'n toename van 10% van die vorige week en 1% voor die vyfjaargemiddelde.

Die plaaslike koringmark het Dinsdag meestal sterker verhandel met alle kontrakte wat ondersteuning gevind het.

Die plaaslike koringmark het vir lewering in Desember 2020, R12/ton hoër verhandel om teen R4 916/ton te sluit.

OFM-nuus