Mahlati was ook die voorsitter van die presidensiële advieskomitee oor grondhervorming. Die oorsaak van haar dood is in dié stadium onbekend.  

Die minister van landbou, grondhervorming en landelike ontwikkeling, Thoko Didiza, sê Mahlati se stem in die stryd van ekonomiese bemagtiging van vroue en die kommersialisering van swart boere is nie meer daar nie. Sy sê Mahlati sal onthou word daarvoor dat sy baie lewens aangeraak het met haar glimlag en energie.  Volgens Didiza het Mahlati Afasa goed gelei om die regering te betrek oor aangeleenthede wat die Suid-Afrikaanse landboubedryf en veral swart boere raak.  

Pierre Vercueil, Agri SA se president, sê dié organisasie betuig sy meegevoel met die Mahlati-gesin en die breër landbougemeenskap. Almal wat saam met Mahlati gewerk het, kan getuig van die waarde wat sy vir die bedryf ontsluit het.  

Agri SA se uitvoerende direkteur, Christo van der Rheede, sê Mahlati was 'n pionier wat boere se belange sentraal tot landbou-ontwikkeling gestel het.  

OFM-nuus