Mielies:

Amerikaanse mieliepryse het Vrydag meer as 1% laer gedaal namate handelaars steeds hul netto lang posisie verminder terwyl hulle op positiewe uitvoernuus wag, veral wat nuwe verkope in China betref. Nabygeleë kontrakte het byna 2,5% gedaal sedert die opening van Maandag.

Private uitvoerders het aan USDA die verkoop van 182 000 ton mielies aangekondig vir lewering aan Mexiko gedurende die bemarkingsjaar 2020/21, wat op 1 September begin het.

Die plaaslike mieliemark het Vrydag meestal onder druk  verkeer en het vir wit- en geelmielies onder druk geplaas oor alle kontrakmaande wat verhandel het.

Die witmieliemark het vir lewering in Julie 2021 R19/ton laer verhandel vir die dag om teen R2 902/ton te sluit. Die geelmieliemark het vir lewering in Julie 2021 R17/ton laer verhandel om teen R2 948/ton te sluit.

 
Sojabone:

Die Amerikaanse sojaboonpryse het Vrydag weer 'n matige verlaging behaal, omdat handelaars steeds 'n potensiële rekordproduksie in Brasilië verwag.

'n Groep van 13 ontleders wat deur Reuters ondervra is, meen steeds dat die produksie van sojabone in Brasilië in 2020/21 die rekordboeke kan herskryf, ondanks 'n droë begin van die seisoen. Die gemiddelde handelskatting was vir 'n totale produksie van 131 miljoen ton. Dit sou 'n toename van 5,6% wees teenoor verlede jaar, as dit sou realiseer.

Die plaaslike sojaboonmark het Vrydag meestal onder druk gekom en swakker verhandel oor alle kontrakmaande wat tans gelys is.

Die plaaslike sojaboonmark het vir lewering in Mei 2021, R25/ton hoër verhandel vir die dag om teen R7 400/ton te sluit.

 
Koring:

Die Amerikaanse koringpryse het Vrydag weer gedaal weens kommer oor 'n verwagte hupstoot in die Kanadese en Australiese produksie en sterk mededinging van die Swart See-streek, wat weer 'n ronde tegniese verkope veroorsaak het.

Die Oekraïne se koringuitvoer vir die 2020/21-seisoen het met 11,5% afgeneem teenoor dieselfde tyd 'n jaar gelede, met 12,167 miljoen ton sedert 1 Julie. Oekraïne is verantwoordelik vir ongeveer 16% van die wêreld se totale graanuitvoer.

Die plaaslike koringmark het Vrydag meestal onder druk gekom en het laer gesluit vir die dag in meeste van die kontrakte wat tans gelys is.

Die plaaslike koringmark het vir lewering in Maart 2021 R49/ton laer verhandel en gesluit teen R4 822/ton.

OFM-nuus