Mielies:

Die Amerikaanse mielietermynkontrakte het gisteroggend met byna 2% gedaal nadat Dinsdag se WASDE-verslag groter as verwagte wêreldwye eindvoorrade aangekondig het.

Die regstelling kan egter van korte duur wees, hoofsaaklik as gevolg van die groot Chinese vraag na Amerikaanse mielies die afgelope paar weke.

Die plaaslike mieliemark het gister meestal onder druk gekom oor al die kontrakte wat vir wit- en geelmielies gelys is.

Die witmieliemark het vir lewering in Julie 2021 R93/ton laer verhandel vir die dag om teen R3 092/ton te sluit. Die geelmieliemark het vir lewering in Julie 2021 R92/ton laer verhandel om teen R3 216/ton te sluit.

Sojabone:

Amerikaanse sojaboonpryse het die mielieverliese gisteroggend gevolg, die eerste prysdaling vir die oliesaad in drie handelsessies.

Die Amerikaanse sojaboonuitvoer vir die bemarkingsjaar 2020/21 het met 544 000 ton tot 61 miljoen ton gestyg in die WASDE-verslag van Dinsdag - die hoogste volume op rekord en meer as 'n derde hoër as die uitvoer-tempo vir 2019/20.

Die plaaslike sojaboonmark het gister wisselvalig verhandel vir die dag maar het hoofsaaklik die dag se verhandelinge swakker gesluit  oor sommige kontrakmaande wat tans gelys is.

Die plaaslike sojaboonmark het vir lewering in Mei 2021, R58/ton laer verhandel vir die dag om teen R7 788/ton te sluit.

Koring:

Amerikaanse koringtermynkontrakte het gisteroggend die mielieprys laer gevolg, omdat 'n stygende dollar oornag die koringbedryf onder druk geplaas het.

Ondanks 'n vyfde agtereenvolgende maand van toenemende skatting van koringgebruik vir veevoer, het koringpryse gedaal nadat die WASDE-verslag gister grootliks bekend gemaak het van verhoogde voorrade in Kazakstan, sowel as 'n onlangse styging in Chinese veilings van die koringreserwes. Die pandemie tendens van wêreldkoring opberging toon aan dat China teen die einde van 2020/21 met 51% van die koringreserwes in die wêreld laat.

Die plaaslike koringmark het gister onder druk gekom en oor die meerderheid kontrakte wat gelys is, swakker geëindig.

Die plaaslike koringmark het vir lewering in Julie 2021 R40/ton laer verhandel en gesluit teen R5 130/ton.

OFM-nuus