Mielies:

Amerikaanse mielietermynkontrakte het gister toegeneem toe Suid-Amerikaanse oesskattings dui op kleiner opbrengste vir 2020/21 te midde van die slegste soja-oes en plantvertragings in meer as 'n dekade.

Voorspellings dui op dalende gevolge van die La Niña-weerpatroon in die VSA, wat die lentereën kan verhoog en die optimale plantvenster vir mielies en sojabone in die lente kan verkort.

Die plaaslike mieliemark het gister swakker verhandel oor al die kontrakte wat vir wit- en geelmielies gelys is.

Die witmieliemark het vir lewering in Julie 2021 R33/ton laer verhandel vir die dag om teen R3 127/ton te sluit. Die geelmieliemark het vir lewering in Julie 2021 R41/ton laer verhandel om teen R3 239/ton te sluit.

Sojabone:

'n Oornagbeweging in die palmolie-mark het gisteroggend steun verleen aan pryse vir Amerikaanse soja-olie.

Die pryse in die res van die sojaboonbedryf het gedaal weens kommer oor die toenemende Afrika-varkgriep en ander uitbrake van siektes in die Chinese varkkudde.

Die plaaslike sojaboonmark het gister wisselvallig verhandel en laer gesluit oor alle kontrakte wat tans gelys is.

Die plaaslike sojaboonmark het vir lewering in Mei 2021, R150/ton laer verhandel vir die dag om teen R7 880/ton te sluit.

Koring:

Koringpryse in die VSA daal oornag as gevolg van kommer oor groter as verwagte Franse sagtekoringvoorrade. Verliese word beperk deur 'n verswakkende dollar en die vooruitsigte van gunstige Amerikaanse uitvoerdata wat later vanoggend bekend gemaak gaan word.

Ongeveer 80% van Rusland se wintergewasse word in 'n goeie toestand gewaardeer, wat die kans vir ‘n groter oes en dalende pryse bevoordeel.

Die plaaslike koringmark het gister ondersteuning verloor en het oor alle kontrakte wat gelys is swakker geëindig.

Die plaaslike koringmark het vir lewering in Julie 2021 R58/ton laer verhandel en gesluit teen R5 301/ton.

OFM-nuus