Agri Hour
Groot sprong in vleispryse toegeskryf aan ‘wêreldklasvoerkrale’─── ELSABÉ RICHARD 05:00 Thu, 18 Mar 2021
'n Bekende in die veebedryf, Chris Derksen, verskaf soos oudergewoonte die veilingspryse vir lewendehawe.
Hy versprei dié inligting sodat produsente en kopers dieselfde inligting tot hul beskikking het om sodoende ingeligte besluite te kan neem met die aankoop en verkoop van lewendehawe op veilings. Die Noord-Vrystaat word as 'n indeksgebied gebruik.
Sien onderstaande PODCAST
Hy deel dat dit tipies is om gedurende die laat somerperiode meer speenkalwers op die mark te hê en die veldbeeste gaan vetter wees, wat ‘n effense daling in pryse gaan veroorsaak.
Derksen voeg ook by dat Suid-Afrika nou weer deel van die wêreld-ekonomie geword het en as gevolg van die land se “wêreldklasvoerkrale, wat die pragtige uitvoermark vir vleispryse veroorsaak het, het ons definitief ‘n groot sprong in vleispryse gekry.”
Volgens Derksen het speenkalwers op die plaaslike veilings, onder 200kg, teen R42,77 per kg verkoop. Speenkalwers tussen 200kg en 250kg het teen R39,05 en speenkalwers oor 250kg het teen R36,66 per kg verkoop.
Ander veilingspryse vir beeste:
| A-klas beeste | R27,46 per kg | |||
| B-klas beeste | R24,51 per kg | |||
| C-klas vet koeie | R23,85 per kg | |||
| Maer koeie | Wissel van R18,00 na R20,00 per kg | |||
| Slagbulle | R24,77 per kg | |||
| Skape | ||||
| Stoorlammers | R43,85 per kg | |||
| Slaglammers | R38,55 per kg | |||
| Stoorskape | R31,40 per kg | |||
| Vetskape | R30,05 per kg | |||
| Bokke | ||||
| Lammers | R50,09 per kg | |||
| Ooie | R40,00 per kg |
Vir meer inligting besoek vleisprys.co.za.
OFM-nuus
