Jewl Craft is binne enkele minute deur ses vedagtes beroof voordat hulle gevlug het. 

In videobeeldmateriaal kan gesien word hoe die ses verdagtes uit die winkel hardloop. Sommige van hulle dra swartsakke, wat vermoedelik gesteelde juweliersware bevat.

Die verdagtes hardloop verby Cape Union Mart en Woolworths, voordat hulle die winkelsentrum verlaat. 

Die motor waarmee die verdagte gevlug het. Foto skermskoot/videobeeldmateriaal

Oomblikke later hou ’n wit sedan stil waarna die verdagtes vinnig inklim voordat die voertuig wegjaag.

Johan Visser, operasionele bestuurder van Northridge Mall, het die voorval aan OFM Nuus bevestig. 

“Ons kan bevestig een van die juwelierswinkels is (vanoggend) beroof. Ons kan op dié stadium geen verdere inligting bekendmaak nie. Die polisie is besig met ’n ondersoek."

Vyf veiligheidswenke vir rooftog in winkelsentrum:

1.  Bly kalm en volg opdragte: As jy in ’n winkel is wat beroof word, probeer om kalm te bly. Moenie stry of weerstand bied nie – gehoorsaam die rowers se eise. Volgens Fidelity ADT kan samewerking en kalmte die risiko van geweld verminder.
2. Vermy skielike bewegings en moenie jou foon gebruik nie: Skielike of onverwagte bewegings kan die situasie vererger. Die gebruik van jou selfoon kan ook die rowers ontstel, so vermy dit om dit uit te haal tensy dit absoluut noodsaaklik is.
3. Neem notas van die oortreders: Terwyl jy veilig bly, probeer om besonderhede waar te neem soos wat die aanvallers dra, hul lengte, bou, enige onderskeidende kenmerke en hoe hulle optree. Hierdie inligting kan later baie nuttig vir die polisie wees.
4. Soek skuiling of kruip weg indien moontlik: As jy nie direk in die omgewing is waar jy beroof word nie, soek ’n nabygeleë winkel of plek waar jy uit sig kan bly. Baie winkelsentrums het veiligheidsprosedures soos om rolluike toe te maak – probeer om na die agterkant van ’n winkel of ’n minder blootgestelde deel te beweeg.
5. Soek hulp en moenie die rowers agtervolg nie: Sodra jy in ’n veilige posisie is, kontak die polisie (of die sentrum se sekerheidsafdeling). Moenie probeer om die rowers agterna te sit nie – laat die agtervolging aan wetstoepassing oor.

• Het jy ’n nuuswenk om te deel? Bel of whatsapp die OFM Nuus-lyn: 066 487 1427.

OFM Nuus/Charne van der Merwe