On Now
Weekdays 18:00 - 19:00
OFM Business Hour Olebogeng
NEXT: 19:00 - 23:00 OFM Nights with Ashmund
Listen Live Streams

Food

What's on the menu – Gekneusde aartappelslaai

───   16:45 Thu, 15 Feb 2024

What's on the menu – Gekneusde aartappelslaai | News Article

Sjef Maradine het hierdie week die perfekte bykos wat amper ’n hoofgereg ook kan wees, hang net af hoe voel jy oor aartappels.

BESTANDDELE

1 kg baba aartappels

1 tot 2 eetlepels olyfolie

knippie kosher sout en peper


KARRINGMELKMENGSEL 

¼ koppie gewone Griekse jogurt

1 koppie karringmelk

2 knoffelhuisies fyngekap of uitgedruk

2 eetlepels gekapte vars grasuie plus meer vir garnering

2 eetlepels gekapte vars dille plus meer vir garnering

2 teelepels dijonmosterd

knippie kosher sout en peper


INSTRUKSIES

Plaas die aartappels in ’n groot pot en vul dit met koue water. Bring die water tot kookpunt. Prut die aartappels totdat dit net-net vurk sag is. Dreineer die aartappels en laat dit effens afkoel.

Voorverhit die oond tot 180 grade C.

Smeer ’n bakplaat met 1 eetlepel olyfolie. Plaas die aartappels op die bakplaat. Gebruik jou hand of die onderkant van ’n glas om hulle effens te kneus, probeer om hulle steeds in een stuk te hou. Drup die orige olyfolie oor die aartappels. Sprinkel die aartappels met die sout en peper.

Plaas die bakplaat in die oond en rooster die aartappels vir 25 tot 30 minute tot goudbruin en bros. Maak die slaaisous terwyl die aartappels rooster. Haal die aartappels uit die oond en laat dit effens afkoel. Plaas die aartappels in 'n bak en bedek met die slaaisous, meng goed. Voeg ’n paar handevol ekstra vars kruie by. Proe en geur bykomend met sout en peper indien nodig. Jy sal dalk meer nodig hê – dit sal afhang van hoe gesout jou aartappels is voordat dit gebraai word.

Bedien dadelik. Jy kan dit warm of koud bedien – dit is jou voorkeur.

@ 2024 OFM - All rights reserved Disclaimer | Privacy Policy | We Use Cookies - OFM is a division of Central Media Group (PTY) LTD.