Vermoorde Harrismith-dominee se vrou uit hospitaal ontslaan
16:54 Tue, 18 Dec 2012
Vermoorde Harrismith-dominee se vrou uit hospitaal ontslaan | News Article
Lani Fouché

Bloemfontein - Dorothea Brits, die vrou van die vermoorde dominee van Harrismith, sterk in 'n rehabilitasiesentrum aan nadat sy verlede week uit Mediclinic Bloemfontein ontslaan is.

Hospitaalwoordvoerder, Elizma van Aswegen, sê sy is Vrydag ontslaan en na Pasteur-hospitaal in die stad oorgeplaas.

Dorothea is die week vantevore - kort nadat sy haar bewussyn herwin het - van haar man, ds Willem, se dood ingelig, en dat haar seun, Martin, verdink word van die moord. Sy moes ook hoor dat haar aanstaande skoonseun, Gerhardus Vermeulen, in hul pastoriehuis saam met haar man vermoor is.

Die drie is glo verlede maand deur Martin en 'n medebeskuldigde, Elliot Mhlambi, in hul huis met 'n byl aangeval.

Vermeulen is doodgeskiet.

Dorothea het erge hoofbeserings opgedoen.

Hul dogter, Thea, wat ook ten tyde van die voorval in die huis was, is ongedeerd.

Related Articles:


  Visit the official Covid-19 Portal  More Information
Visit the official Covid-19 Portal
Cookies help us deliver our services. By using our site, you agree to our use of cookies. Tell me more