Local News
Oorsaak van Karel Schoeman se dood nog nie bekend─── MARK STEENBOK 05:56 Fri, 05 May 2017
Karel Schoeman/Wikipedia
Bloemfontein - Die oorsaak van die dood van die bekroonde Afrikaanse skrywer, Karel Schoeman, is nog nie bekend nie.
Die 77-jarige, 'n boorling van Trompsburg in die Vrystaat, is Dinsdagoggend in die Noorderbloem-aftreeoord in Bloemfontein dood aangetref.
Carl van Rensburg, Schoeman se prokureur, sê die nadoodse ondersoek is nog nie afgehandel nie.
Schoeman het voor sy dood in 'n brief met die opskrif "Verklaring" geskryf oor sy plan om sy lewe te beëindig. Van Rensburg het vroeër gesê dat die dokter Schoeman se dood as onnatuurlik aangedui het.
OFM-nuus
