Mielies:

Amerikaanse mieliepryse het 'n matige styging gesien te midde van berigte van voortgesette droë produksietoestande in Brasilië en Argentinië tesame met 'n sterker vraag na etanol in die state.

Die prys van die naaste kontrakmaand vir Amerikaanse mielies het vanoggend met 3,4% geklim. Die prysverhoging was egter agterweë weens vakansievertragings sowel as 'n beperking as gevolg van die USDA-uitvoerinspeksieverslag wat Maandag vrygestel is. 

Stygende energiepryse en verhoogde reis vir Amerikaanse verbruikers wat terugkeer na die paaie ná die Covid-19 donker dae, is sleuteldryfvere in die toenemende vraag na etanol in die VSA.

Die plaaslike mieliemark het Woensdag marginal gemeng verhandel.

Die witmieliemark het, vir lewering in Julie 2022, R4/ton (? 0,1%) laer verhandel en teen R3 587/ton gesluit. Die geelmieliemark het vir lewering in Julie 2022, R18/ton (? 0,5%) hoër verhandel en teen R3 653/ton gesluit.

Sojabone:

Die prys van die naaste kontrakmaand vir Amerikaanse sojabone het vanoggend met 2,6% geklim.

Dit volg op die verandering in marksentiment namate die weerstoestande in Suid-Amerika verander het van reën na warm en droë weer. Dit is groot kommer vir sojaboonproduksie, veral in Argentinië, want as die droë weer voortduur, kan die grondvogtoestande teen die komende week in tekortgebied ingedruk word.

Die plaaslike sojaboonmark het effens sterkter verhandel, met meeste van die naaste kontrakmaande wat tenmiste 0,7% hoër verhandel het.

Die plaaslike sojaboonmark het vir lewering in Mei 2022 met R67/ton (? 0,8%) hoër verhandel om uiteindelik te sluit op R8 000/ton.

Koring:

Die prys van die naaste kontrakmaand vir Amerikaanse koring het vanoggend met 1,6% geklim. Amerikaanse koring het drie opeenvolgende sessies van swakker pryse gehad, gelukkig het winskoopkopers weer in die koringmark ingekoop, wat die prys effens opwaarts laat styg het.

Die USDA-verslag oor die gewasproduksietoestande het uitgereik dat baie van die harde rooi winterkoringoes in toestande van ernstige droogte is. Die USDA het slegs gewasproduksieverslae vir die twee topproduserende streke, Kansas en Oklahoma, vrygestel wat die eerste verslag oor produksietoestande sedert 29 November 2021 bemark. 

Die vorige USDA-verslag het gemeld dat 44% van die winterkoringoes in 'n uitstekende toestand was. Verskeie faktore, soos windstorms en erge droogtes, het die winterkoringoes in baie van die produksiegebiede swak gelaat. Gister se verslag het USDA die Kansas-oes afgegradeer na 33% goed na uitstekend vanaf 2 Januarie 2022. Net so het graderings in Oklahoma met 28% gedaal tot slegs 20% goed tot uitstekend.

Die plaaslike koring mark het marginaal gedaal met meeste van die kontrakte wat tussen 0,3% tot 0,7% gedaal het.

Die plaaslike koring mark het vir lewering in Mei 2022 met R43/ton (? 0,7%) laer verhandel om uiteindelik te sluit op R6 110/ton.

OFM-nuus