Mielies:

Die Amerikaanse mieliemarkpryse het op gemiddeld met 1% gestyg na ‘n rondte tegniese aankope nadat die USDA laer as verwagte opbrengs- en produksieskattings bekend gemaak het. Die USDA het ook mielieverbruik aansienlik verlaag, en met die aanbod wat meer as gebruik gedaal het, is eindvoorraadskattings ook verlaag.

Franse landboudiens, FranceAgrimer, het aangedui dat die Franse mielie-oestoestande steeds afneem. Slegs 53% van die oes word goed-tot-uitstekend beoordeel teenoor 62% die vorige week.

Plaaslik: Die mark het baie min wisselvalligheid getoon in Maandag se sessie. Geelmielies het beter presteer as witmielies met geelmielies wat marginale winste getoon het teenoor witmielies wat marginale verliese getoon het.

Die witmieliekontrak het vir Augustus R20/ton laer verhandel vir die dag om teen R4 257/ton te sluit. Witmielies vir lewering in September het R17/ton swakker verhandel teen R4 283/ton.

Die geelmielie kontrak vir Augustus 2022 het R6/ton sterker verhandel teen R4 240/ton. Die geelmieliekontrak het vir lewering in September het teen R4 280/ton verhandel, R9/ton sterker.

Sojabone:

Die Amerikaanse sojaboonmark het 'n wisselvallige verhandelingsessie gehad met pryse wat vroeg in die verhandelingsessie gedaal het, maar kon herstel as gevolg van 'n mate van gemengde tegniese handel. In teenstelling met mielies, het sojaboonopbrengs en -produksieskattings toegeneem, met die USDA wat verduidelik dat hoër opbrengste meer as die laer geoesde oppervlakte verreken.

VSA Sojaboonuitvoere het toegeneem sowel as eindvoorraad. China se ministerie van landbou het sy ramings vir sojabooninvoere effens verminder en gesê dat varkkuddeverliese die hoofoorsaak vir die verminderde vraag is. Brasilië en die VSA is verreweg die top twee verskaffers.

Plaaslik: Die plaaslike sojaboonmark het marginale verliese getoon in die vorige sessie met meeste van die gelyste kontrakte wat in die rooi verhandel het teen sluitingstyd.

Die sojaboon Augustus ’22-kontrak het R37/ton swakker verhandel teen R8 786/ton. Die sojaboon September ’22-kontrak het R50/ton laer verhandel teen R8 830/ton. Die sojaboon Mei ’23-kontrak het teen R8 330/ton, R40/ton laer, verhandel.

Koring:

Die Amerikaanse koringmarkpryse kon Vrydag geen positiewe momentum vind nie, met kontrakte wat 0,75% laer gesluit het ná 'n ronde tegniese verkope. Die USDA het sy skattings vir alle koringopbrengste effens verhoog wat die aanbod laat toeneem het. Die USDA verwag dat uitvoere sal toeneem as gevolg van meer mededingende koringpryse nadat pryse van meerjarige hoogtepunte gedaal het.

Amerikaanse eindvoorraad het gedaal, wat in teenstelling was met bedryfsskattings. Twee skepe het Vrydag hawens in die Oekraïne verlaat, een was gevul met koring op pad na Turkye.

Plaaslik: Die plaaslike koringmark het ook laer gesluit met marginale verliese.

Die koring Augustus '22-kontrak het teen R7 040/ton verhandel, geen verandering vanaf Vrydag. Die koring September ’22-kontrak het teen R7 026/ton verhandel, R34/ton swakker.

OFM-nuus