Mielies:

• Die CBOT-mieliekontrakprys vir die naaste handelsmaand het Donderdagoggend met 0,95% gedaal.
• Die oesproses wat in die Noordelike Halfrond begin, verskaf 'n mate van seisoenale afwaartse druk op pryse. Suid-Amerikaanse produsente is tans besig om voor te berei om die 2022/23 mielie-oes te plant. Totale Amerikaanse etanolproduksie het in die week geëindig 16 September tot 'n laagtepunt van 19 maande gedaal te midde van die bedreiging van 'n potensieel verwoestende spoorstaking.
• Die plaaslike SAFEX-mieliekontrakte het Donderdag met effense afwaartse tendense verhandel vir beide wit- en geelmieliekontrakte. Die witmieliemark het, vir lewering in September 2022, R12/ton (- 0,25%) gedaal om teen R4 790/ton te sluit. Die geelmieliemark het vir lewering in September 2022, R36/ton (- 0,76%) laer verhandel om teen R4 687/ton te sluit. Die witmieliemark het, vir lewering in Desember 2022, R2/ton (+ 0,04%) geklim om teen R4 797/ton te sluit. Die geelmieliemark het vir lewering in Desember 2022, R5/ton (+ 0,11%) hoër verhandel om teen R4 799/ton te sluit.
• Vir die week geëindig 16 September is 'n totaal van 123 889 ton mielies aan kommersiële silo's gelewer. Daarvan was 80 693 ton witmielies en 43 196 ton geelmielies. In vergelyking met die oesskatting vir die 2022/23-bemarkingsjaar, is 91% van wit mielies gelewer en 84% van geelmielies.

Sojaboon:

• Die CBOT-sojaboonkontrakprys vir die naaste kontrakmaand het Donderdagoggend met 1,18% gedaal.
• Argentynse boere was die afgelope weke sterk verkopers van hul sojabone. Tussen 8 en 14 September alleen het verkope altesaam 2 299 695 ton beloop ná regeringsbewegings om 'n meer verkieslike wisselkoers te begin gebruik. Argentinië is een van die wêreld se voorste uitvoerders van sojabone, sojameel en soja-olie.
• Die binnelandse sojaboonkontrakte het Donderdagoggend met effense afwaartse tendense verhandel. Die plaaslike sojaboonmark het vir lewering in September 2022 met R29/ton (- 0,31%) laer verhandel om uiteindelik te sluit op R9 362/ton. Die sojaboonmark het vir lewering in Desember 2022, R12/ton (- 0,13%) laer verhandel om teen R9 550/ton te sluit.
• Produsentelewerings vir die week geëindig 16 September het 2 900 ton beloop. Die kumulatiewe totaal van sojaboonlewerings staan op 2 126 310 ton. Dit maak 98% uit van die huidige oesskatting van 2 172 100 ton.

Koring:

• Die CBOT-koringkontrakprys vir die naaste handelsmaand het Donderdagoggend 1,12% hoër verhandel.
• Koringkontrakte verhandel met matige verhogings te midde van voortgesette Swartsee-produksie- en uitvoeruitdagings, om nie te praat dat die Russiese president Vladimir Poetin 'n gedeeltelike militêre mobilisering vir Russiese burgers aangekondig het nie. 
• Egipte se kabinet het Donderdag 'n verklaring uitgereik waarin daarop gewys word dat die land se strategiese koringreserwes voldoende is vir meer as ses maande. Egipte is een van die wêreld se grootste koringinvoerders. Twee private Filippynse kopers het na die mark teruggekeer op soek na meer voerkoring net nadat die wêreldpryse gestyg het.
• Die binnelandse koringkontrakte het Donderdag met effense opwaartse tendense verhandel. Die plaaslike koringmark het vir lewering in September 2022 met R82/ton (+ 1,18%) hoër verhandel om uiteindelik te sluit op R7 020/ton. Die Desember 2022 koringkontrak het met R20/ton (+ 0,29%) hoër verhandel om uiteindelik te sluit op R7 000/ton.
• Vir die week wat op 16 September eindig, is altesaam 1 807 ton koring aan kommersiële silo's gelewer. Die kumulatiewe totaal vir die 2021/22 bemarkingseisoen is 2 252 211 ton. Dit maak 98,6% uit van die huidige oesskatting van 2 285 000 ton.

Vir meer inligting oor die huidige kommoditeitsmark, besoek gerus Graan SA se webtuiste. 

OFM-nuus