Agriculture
Goeie mededining by vandeesweek se wolveiling─── ELSABÉ RICHARD 05:00 Fri, 25 Nov 2022
Vandeesweek se wolveiling het goeie mededinging gesien, met 'n algehele verkoopspersentasie van 94%.
Byna 11 000 bale is aangebied.
Sien onderstaande PODCAST
Senior wolbemarker by OVK, Heinrich Victor, sê die Cape Wools Merino-aanwyser het met 1,2% vir nie-RWS en 0,42% vir RWS wol gedaal teenoor die vorige veiling, en teen 'n skoonprys van R161,43/kg en R165,08/kg, onderskeidelik gesluit.
“Op die OVK-veiling is 2 286 bale aangebied, waarvan 94,9% verkoop is.
“Die hoogste prys op die OVK-veiling van R190,00/kg, is behaal vir ‘n 1 baal lot BH van 16.6 mikron, uit die skeersel van René du Plessis, vanuit die Trompsburg-distrik.
“Die koper was Standard Wool SA,” deel Victor.
Skakel gerus met OVK om u by te staan in die RWS-sertifiseringsproses.
Die volgende wolveiling is vir 30 November geskeduleer, waar meer as ±15 356 bale aangebied sal word.
