Mielies:

• Die CBOT-mieliekontrakprys vir die naaste verhandelingsmaand het sedert Vrydag met 0,28% gedaal.
• In Argentinië het die land se Buenos Aires-graanbeurs geen veranderinge aan sy vooruitskatting vir die 2022/23-mielieproduksie aangebring nie. Die land het die grootste deel van die seisoen met droogte gesukkel, maar het die afgelope twee weke 'n beskeie reënval gehad.
• Die plaaslike Safex-mieliekontrakte het Vrydag met effense opwaartse tendense verhandel vir beide wit- en geelmieliekontrakte. 
• Die witmieliemark het vir lewering in Maart 2023 met R102/ton (+2,62%) geklim en teen R3 990/ton gesluit. Die geelmieliemark het vir lewering in Maart '23 met R12/ton (+0,30%) hoër verhandel om teen R3 990/ton te sluit.
• Tans verhandel die Maart spotkontrak R770/ton onder die Amerikaanse uitvoerparty na Randfontein, en R950/ton onder die Argentynse uitvoerpariteit na Randfontein.

Sojaboon:

• Die CBOT-sojaboonkontrakprys vir die naaste kontrakmaand het Vrydagoggend met 2% gedaal.
• Die sojaboon-oes in Brasilië se Rio Grande do Sul-staat het met 3% gestyg in die week geëindig 23 Maart. Argentinië se Buenos Aires-graanbeurs het geen veranderinge aan sy 2022/23 sojaboon produksieskattings gemaak nie. Daar is ook berig dat Argentinië vanjaar 139% meer sojabone gaan invoer.
• Die binnelandse sojaboonkontrakte het Vrydag met skerp afwaartse tendense verhandel. Die plaaslike sojaboonmark het vir lewering in Maart '23 met R335/ton (-3,76%) gedaal om teen R8 581/ton te sluit.
• Tans verhandel die Maart spotkontrak R1 486/ton onder die Amerikaanse uitvoerpariteit; R1 360/ton onder die Argentynse uitvoerpariteit; en R169/ton bo die Brasiliaanse uitvoerpariteit.

Koring:

• Die CBOT-koringkontrakprys vir die naaste handelsmaand het Vrydagoggend 0,21% laer verhandel.
• Russiese koringuitvoer het in die week geëindig 22 Maart met 64% toegeneem, wat 'n vol skedule in Maart geïmplementeer het.
• Die binnelandse koringkontrakte het Vrydag met gemengde tendense verhandel. Die Maart '23 koringkontrak het met R33/ton (+0,52%) hoër verhandel om uiteindelik te sluit op R6 390/ton.
• Tans verhandel die Maart kol-koringkontrak R286/ton bo die Russiese invoerpariteit na Durban; R524/ton bo die Duitse invoerpariteit; en R651/ton onder die Argentynse invoerpariteitsvlak. Die wisselvalligheid van die Rand/Dollar-beurs het pariteite hierdie week beïnvloed.

Vir meer inligting oor die huidige kommoditeitsmark, besoek gerus Graan SA se webtuiste. 

OFM-nuus