Agriculture
Vrystaat Landboukollege se eerste semester suksesvol afgehandel─── ELSABÉ DE JAGER 08:31 Thu, 06 Jul 2023
FOTO: Vrystaat Landboukollege/Facebook.
Vrystaat Landboukollege buite Bloemfontein se tweede semester begin op 18 Julie.
Die opleidingsinstituut spog met sy eie kampus, proefplaas en koshuise.
Tien van die 41 inwonende koshuisstudente is ingeskrewe kollegestudente. Die res van die studente is landboustudente asook studente wat in verskeie ander rigtings soos regte, medies en argitektuur aan die Universiteit van die Vrystaat en ook ander tersiêre instellings studeer.
Kollegehoof dr. Antonie Geyer sê hulle beplan om in 2024 minstens 50 kollegestudente in te neem vir onder meer ’n eenjarige landbousertifikaat of tweejarige landboudiploma in spesialisrigtings.
