Agriculture
6de wolveiling: Bestendige mark ten spyte van gemengde woltipes─── ELSABÉ RICHARD 07:00 Fri, 29 Sep 2023
Ná 'n week se reses het die sesde veiling van die 2023/24-wolseisoen plaasgevind met 'n klein volume van net minder as 5000 bale.
Juan Venter, OVK-junior wolwaardeerder, sê die Cape Wools Merino-aanwyser het met 0,5% vir nie-RWS en 0% vir RWS wol gedaal teenoor die vorige veiling, en teen 'n skoonprys van R157,70/kg en R167,66/kg, onderskeidelik gesluit.
“Op die OVK-veiling is 1 821 bale aangebied, waarvan 85,01% verkoop is.
“Die hoogste prys op die OVK-veiling van R194,10/kg, is behaal vir ‘n 2 baal lot BH van 16.3 mikron, uit die skeersel van Doringkuil Trust, vanuit die Steynsburg-distrik.
“Die koper was Lampriere SA,” deel Venter.
Skakel gerus met OVK om u by te staan in die RWS-sertifiseringsproses.
Die volgende wolveiling is vir 4 Oktober geskeduleer.
