Mielies:

• Die CBOT-mieliekontrakprys vir die naaste handelsmaand het sedert Woensdag met 0,13% gestyg.
• Die binnelandse mieliekontrakte het Woensdag met gemengde tendense verhandel. 
• Die plaaslike nabymaand witmieliekontrak vir lewering in November 2023 het met R34/ton (-0,80%) gedaal en teen R4 164/ton gesluit. 
• Die plaaslike nabymaand geelmieliekontrak het vir lewering in November 2023 met R3/ton (+0,08%) geklim en teen R3 942/ton gesluit. 
• In die huidige markte verhandel die witmieliekontrakte sterkter as geelmieliekontrakte. Dit word meegebring soos wat die witmielie-uitvoerprogram spoed op tel. 
• Die nabymaand kontrakprys van witmielies het effens laer verhandel, maar steeds met 'n R259/ton verskil van geelmielies se nabymaand kontrakprys.

Sojabone:

• Die CBOT-sojaboonkontrakprys vir die naaste kontrakmaand het sedert Woensdag met 0,73% geklim.
• Die binnelandse sojaboonkontrakte het Woensdag met sterk opwaartse tendense verhandel. 
• Die plaaslike sojaboonmark het vir lewering in November 2023 met R171/ton (+1,83%) geklim en teen R9 501/ton gesluit. 
• Die Maart 2024-kontrak het met R147/ton geklim en teen R9 470/ton gesluit.

Koring:

• Die CBOT-koringkontrakprys vir die naaste handelsmaand het sedert Woensdag met 2,13% sterkter verhandel.
• Die binnelandse koringkontrakte het Woensdag met opwaartse tendense verhandel. 
• Die plaaslike nabymaand koringkontrak vir lewering in November 2023 het met R28/ton (+0,48%) hoër verhandel en teen R5 900/ton gesluit. 
• Die Desember 2023-kontrak het met R18/ton (+0,31%) geklim en gesluit teen R5 908/ton.

Vir meer inligting oor die huidige kommoditeits mark, besoek gerus Graan SA se webtuiste. 

OFM Nuus