On Now
Weekdays 15:00 - 18:00
The Joyride Nico, Nikki, Kayla and JayBee
NEXT: 18:00 - 19:00 OFM Business Hour with Olebogeng
Listen Live Streams

Agriculture

Finansiële instellings moet pluimveebedryf steun

───   ROBYN SCHUTTE 05:00 Tue, 26 Mar 2024

Finansiële instellings moet pluimveebedryf steun | News Article
Die samewerking tussen die pluimveebedryf en die regering is geag as ’n suksesfaktor vir die herstel van die bedryf. Een van die maatreëls wat geneem is, was om bevrugte eiers in te voer om produksie te herstel. Foto: iStock

Die pluimveebedryf het weens die uitbreking van voëlgriep geweldig skade gelei met die departement van landbou wat reken meer as 10 miljoen voëls, uit die nasionale lê- en braaikuikenkudde, het gevrek.

Samewerking tussen rolspelers om oplossings vir uitdagings in die pluimveebedryf te vind, is van uiterste belang vir volhoubaarheid en herstel wanneer die ergste gebeur.

Nico Groenewald, hoof van Agribesigheid by Standard Bank, meen finansiële instellings het, net soos die regering, ook hier ’n rol te speel.

Die pluimveebedryf het weens die uitbreking van voëlgriep geweldig skade gelei met die departement van landbou wat reken meer as 10 miljoen voëls, uit die nasionale lê- en braaikuikenkudde, het gevrek.

Die Suid-Afrikaanse Pluimveeorganisasie (SAPA) skat die uitbreking het die bedryf sowat R9,5 miljard gekos.

“Die uitdagings wat die pluimveebedryf verlede jaar tydens die voëlgriep-uitbreking ondervind het, was aansienlik. Dit het ’n wesenlike impak op die bedryf gehad, met ’n aansienlike aantal voëls wat gevrek het. Dit het gelei tot ’n prysverhoging en tekort aan pluimveeprodukte,” sê Groenewald.

Die samewerking tussen die pluimveebedryf en die regering is geag as ’n suksesfaktor vir die herstel van die bedryf. Een van die maatreëls wat geneem is, was om bevrugte eiers in te voer om produksie te herstel.

Groenewald vertel verder dat hoewel daar ’n tydelike toename op die pryse van pluimveeprodukte was, die industrie steeds suksesvol was in die handhawing van bekostigbare pryse vir verbruikers. Die bedryf het groot beleggings in tegnologie en fasiliteite gemaak om die produksiekostes laag te hou en die toeganklikheid van pluimveeprodukte vir die verbruiker te verseker.

Die oproep vir ondersteuning vir die Suid-Afrikaanse pluimveebedryf kom op ’n tydstip wanneer die bedryf steeds herstel van die impak van die voëlgriep-uitbreking. Met die regte samewerking tussen bedryf, regering en finansiële instellings, is die bedryf optimisties oor sy toekoms en die voortsetting van ’n belangrike rol in die Suid-Afrikaanse landboubedryf.

OFM/Agriculture cg

@ 2024 OFM - All rights reserved Disclaimer | Privacy Policy | We Use Cookies - OFM is a division of Central Media Group (PTY) LTD.