Twee Graad 10-leerlinge aan Hoërskool Witteberg in Bethlehem, Lucille Snyman en Jacques van der Merwe, deel hul ervarings en toekomsdrome vir landbou in Suid-Afrika.

Lucille beskryf haar gunstelingdeel van die landbouopleiding by Hoërskool Witteberg as die praktiese uitstappies. “Ek sal sê my gunsteling deel is definitief om op praktiese uitstappies te gaan en om almal se boerderye te leer ken en te besef wat hulle daar doen en ook net als te kan sien en leer daarvan.” Sy hoop ook vir ’n tegnologies gevorderde en regverdige landbousektor met die nodige regeringsondersteuning.

Jacques het ’n duidelike visie vir die toekoms van landbou in Suid-Afrika. “Ek sal sê hernubare energie en meer landbou-opleiding vir alle leerders regoor Suid-Afrika.”

“Om vrae te vra en om jou kennis te verbeter, dit wat jy op ’n plaas toepas, gaan nie noodwendig by jou buurman werk nie.,”

’n Groep leerders van die Hoërskool Witteberg in die skool se tonnel. Foto verskaf

Die ervarings van Lucille en Jacques illustreer die praktiese waarde van landbou-opleiding by Hoërskool Witteberg en die hoop vir ’n volhoubare toekoms in die Suid-Afrikaanse landbousektor. Hulle sien die belangrikheid van tegnologie, regeringsondersteuning en uitgebreide opleiding om ’n positiewe en regverdige impak te hê op die toekoms van landbou in die land.

OFM/Agriculture cg