John Steenhuisen, minister van landbou, het Vrydag (7/3) tydens die tweede sitting van die G20-landbouwerkgroep (AWG) ’n beroep op internasionale leiers gedoen om die beginsel van ubuntu – ek is omdat ons is – as rigtinggewende waarde te aanvaar. Hy het beklemtoon volhoubare oplossings vir wêreldwye uitdagings soos klimaatsverandering, voedselsekerheid, en landelike ontwikkeling kan slegs deur samewerking bereik word.

Steenhuisen het vier prioriteite uitgelig wat die kern vorm van Suid-Afrika se benadering tot globale landbou binne die G20:

• .Bevordering van inklusiewe markdeelname en voedselsekerheid: Beleide en beleggings moet kleinboere, vroue, jeug en gemarginaliseerde gemeenskappe ondersteun om toegang tot markte en voedsame kos te verseker.
• Bemagtiging van jeug en vroue in landboustelsels: Toegang tot grond, finansiering, opleiding en leierskap moet uitgebrei word om innovasie en volhoubaarheid in die sektor te bevorder.
• Bevordering van innovasie en tegnologie-oordrag: Samewerking in navorsing en tegnologie moet verseker dat ontwikkelende lande en kwesbare boere toegang het tot moderne landbougereedskap.
• Bou van klimaatsweerstandige landbou: Samewerking is noodsaaklik om klimaatsbefondsing te verseker en kennis oor klimaatslim praktyke te deel ter beskerming teen uiterste weersomstandighede.

#G20SouthAfrica???? | South Africa has taken on the #G20 Presidency from 1 December 2024 to 30 November 2025, uniting nations to address global economic and financial challenges.

Under the theme "Solidarity, Equality, Sustainability," South Africa???? is committed to fostering… pic.twitter.com/hGXDcPp3ss

— National Department of Agriculture (@DOAgov_ZA) March 6, 2025

Steenhuisen het ook sy steun uitgespreek vir Brasilië se Global Alliance Against Hunger and Poverty en Suid-Afrika se betrokkenheid by die G20 se voedselsekerheidstaakmag bevestig. Hy het die noodsaaklikheid van openbare en private vennootskappe beklemtoon en verklaar dat ware verandering slegs deur gedeelde wysheid en kollektiewe optrede moontlik is.

Namate die G20-landbouwerkgroep se besoeke aan drie Suid-Afrikaanse provinsies voortduur, kry afgevaardigdes die geleentheid om die land se landboubedryf en gemeenskapsgedrewe veerkragtigheid eerstehands te ervaar.

OFM Agri dg