Volgens Santa Ferreira, nasionale bemarkingsbestuurder by NUTRI Feeds, is teenwoordigheid by NAMPO nie net belangrik nie – dit is onontbeerlik. “Diere speel ’n sleutelrol by NAMPO, veral met die vee- en graanbedrywe wat so sterk gekoppel is. As een van die grootste veevoerprodusente in die land, is dit vir ons noodsaaklik om sigbaar en beskikbaar te wees vir produsente.”

NUTRI Feeds beplan om daagliks hul voedingskundiges by hul stalletjie aan diens te hê. Boere kan dus vrae vra, advies kry en gesels oor oplossings rondom wisselvallige voerpryse, die rand, en invoerkoste. “Ons moedig alle produsente aan – van herkouers tot monogastriese boere – om by ons te kom inloer. Ons het elke dag die regte kundiges op die vloer.”

Die maatskappy put groot waarde uit hul teenwoordigheid by NAMPO: “Dis nie net ’n kans om produkte uit te stal nie, maar ’n gulde geleentheid om te netwerk, nuwe boere te ontmoet en opkomende produsente te ondersteun.”

Nutrifeeds is ook die trotse naamborg van die Nutri-Feeds-saal, wat hulle groot sigbaarheid op die terrein gee. Vir besoekers wat nie hul pad na die stalletjie kan kry nie, is dit eenvoudig: Laai die gratis NAMPO-app af, tik “NUTRI Feeds” in, en kry stap-vir-stap aanwysings.

“Ons sien vreeslik uit na die geleentheid om weer hande te vat met boere en bedryfslede. NAMPO bly ‘n hoeksteen van ons bemarkingstrategie.”

OFM Agri cg