Die sentrum word in fases ontwikkel om vinnige implementering en funksionele relevansie te verseker. 

Saai het onlangs ’n gesprek aangebied waartydens nuttige inligting rondom die bek-en-klouseer-uitbreking gedeel is. Dr Theo de Jager lei die gesprek met dr Danie Odendaal en dr Frikkie Maré.

Fase 1 

Tydens fase 1 is die fokus op die vestiging van kernvermoëns vir beheer en koördinering. 

Dit sluit ses sleutelaspekte in:

1. Toesighouding. ’n Landwye netwerk van 177 private veeartse vir herkouers doen daaglikse monitering van BEK. Hierdie veeartse lewer reeds maandeliks verslag aan RMIS via die Veterinarian Network-toepassing.
2. Vinnige rapportering. Die bestaande rapporteringstelsel is nou gekoppel aan ’n toegewyde WhatsApp-kanaal om direkte en intydse kommunikasie van vermeende gevalle na die OC moontlik te maak.
3. Kaartvisualisering. Alle vermeende gevalle word visueel in intyd op die RMIS-platform uitgebeeld. Die status van elke geval word voortdurend bygewerk en bied ’n nasionale oorsig van die uitbreking om besluitneming te ondersteun.
4. Geo-omheiningsfunksie. Boere, veilingshuise, voerkrale en abattoirs kan op die platform registreer en geo-kaart word om geteikende biosekuriteitsmaatreëls toe te pas.
5. Koördinering. Die BKS-noodplan bevat ’n duidelike proses wat gevolg moet word wanneer ’n veearts ’n vermoedelike geval aanmeld. Die OC fasiliteer hierdie proses tussen boer, veeartse, laboratoriums en die Departement van Dieregesondheid.
6. Kommunikasie. Veeartse ontvang opgedateerde inligting direk via die RMIS-platform en WhatsApp om vinnige en akkurate informasievloei te verseker.

’n Gespesialiseerde span is aangestel om die sentrum te bedryf en onmiddellike ondersteuning te bied via ’n toegewyde telefoonlyn.

Fase 2 en 3 

Tydens fase 2 beplan RMIS om ’n openbare aanmeldkanaal vir verdagte dierebewegings te aktiveer in samewerking met georganiseerde landbou. 

Fase 3 sal die integrasie van ’n elektroniese risikobepaling- en bewegingpermitstelsel insluit.

Verklaring verskaf

OFM Agri mvh