Die verdagte is op heter daad betrap op ’n veiligheidskamera waar hy besig is om in die nagdonker twee skape op ’n Suid-Vrystaatse plaas te vang en te slag. Dit was net nege dae nadat ’n platform met ’n nuwe langafstand-observasiekamera aangebring is sowat 500 m van die boer se skaapkraal op sy plaas in die distrik Luckhoff. 

Orania Veiligheidsdienste se beheerkamer het Vrydagoggend (29/8) omstreeks 01:00 opgemerk dat ’n verdagte besig is om twee skape aan te keer en te slag.

Die voorsitter van AfriFoum se Bo-Karoo-tak, wat die kamera aangebring het, is onmiddellik daarvan verwittig. 

Thomas van Dalen. Foto: Facebook

Omdat die poslie nie bereik kon word nie, is AfriForum se protospan, in samewerking met die Orania-weerheidbaarheidsvereniging se taak- en reaksiespanne, geaktiveer, sê Thomas van Dalen, AfriForum se streekshoof vir die Noord-Kaap.

Hy sê hierdie stelsel stel die gemeenskap in staat om beeldmateriaal via internetvermoë na ’n sentrale beheerkamer te stroom. Die operasie is gekoördineer deur middel van regstreekse beeldmateriaal wat na ’n spanlid se selfoon gestroom is, asook kommunikasie via tweerigtingradio’s.

Drie spanne is strategies om die skaapkraal ontplooi, terwyl die verdagte se bewegings voortdurend gemoniteer is.

‘Hy is saam met sy buit en ’n mes, wat hy in ’n rugsak versteek het, aan die polisie oorhandig’

“Teen 03:10 het die verdagte hom, met die twee gesteelde skape, in die taakspan vasgeloop en is hy aangekeer. Hy is saam met sy buit en ’n mes, wat hy in ’n rugsak versteek het, aan die polisie oorhandig,” sê Van Dalen.

“Hierdie voorval bewys die stryd teen misdaad kan slegs gewen word deur goeie samewerking tussen alle rolspelers, en die doeltreffende gebruik van tegnologie as ’n magsvermenigvuldiger moenie onderskat word nie,” voeg hy by.

Van Dalen sê AfriForum se beplanning aan die observasiekamera het sowat ’n jaar gelede begin toe besef is die normale wetstoepassingsagentskappe kan nie die aanslag teen boere – hetsy deur plaasaanvalle of veediefstal – die hoof bied nie.

Hoop konsep kan landwyd werk

’n Projek is begin om die platform met ’n langafstand-observasiekamera te ontwikkel. “Daar word gebruik gemaak van ’n termiese kamera wat infrarooistraling opspoor en dit omskep in ’n visuele beeld wat temperatuurvariasies wys.”

Gekoördineerde burgerlike inisiatiewe en goed beplande operasies wat binne die raamwerk van die wet plaasvind, is ’n groot deel van die oplossing vir misdaadbekamping in Suid-Afrika, sê Van Dalen. 

Hy glo hierdie sukses kan die eerste van vele wees, en hoop die konsep sal landwyd toegepas kan word.

OFM Nuus cvs