Daar is 12 nuwe gevalle in die omgewing van Frankfort, Edenville, Bothaville, Parys, Deneysville/Sasolburg, Tweeling en Vrede geïdentifiseer. Die departement van landbou en landelike ontwikkeling prioritiseer die inenting van beeste in die betrokke gebiede en probeer bykomende entstowwe bekom.

Bewegingsbeperkings is ingestel op alle plase binne ’n radius van 10 km vandie besmette gebiede om verdere verspreiding te voorkom.

Gevalle per munisipaliteit

• Kroonstad: tien
• Viljoenskroon/Vredefort:45
• Edenville: vyf
• Heilbron: twee
• Parys/Vredefort: 19
• Deneysville/Sasolburg: 20
• Cornelia/Frankfort: nege
• Tweeling: een
• Vrede: een
• Odendaalsrus: een
• Bothaville: twee
• Marquard: een
• Clocolan: een

In ooreenstemming met die Staatskoerant Nr. 51512 van 13 Junie 2025 en die Dieresiektewet (Wet 35 van 1984) doen die departement ’n beroep op alle boere, afslaers en spekulante om die beweging van gehoefde diere te beperk en streng biosekuriteitsmaatreëls te volg.

Enige nuwe vee moet vir 28 dae in afsondering gehou word en boere moet noukeurig rekordhouding hou en enige verdagte gevalle onmiddellik aan die staatsveearts te rapporteer.

Daar is tans 118 gevalle van bek-en-klouseer Foto: Pexel

Die departement herinner boere ook  die beweging van diere onder kwarantyn sonder die nodige dokumentasie is ’n misdaad. Volle samewerking van die veebedryf is nodig om die siekte en verspreiding te beperk.

• Deel jou landbounuus: agri@ofm.co.za.

OFM Agri/Isabel van Tonder dg