OFM Nights
Broers vat die pad in 'Die Broer Toer'─── 19:08 Wed, 06 Oct 2021
OFM Nights se Renaldo Schwarp gesels met Bennie Fourie oor sy splinternuwe reisprogram op kykNET.
Wat gebeur as ’n akteur, ’n dominee en ’n sakeontwikkelaar op hulle motorfietse klim en op toer gaan? Wat as dié drie nog boonop broers is? Kykers gaan weekliks uitvind met 'Die Broer Toer' op kykNET.
LEES OOK: Sepiefeeks Heléne Lombard terug
Die Fourie-broers – Bennie, Reynold en Wilbrie – gaan kykers saam met hulle op reis neem wanneer hulle plekke soos Riemvasmaak, Vioolsdrif en die Koue Bokkeveld op hulle motorfietse gaan verken.
Ander plekke waar daar ook aangedoen word sluit in Groenriviermond, Hondeklipbaai, Holgatrivierloop, die Oranjerivier by Vioolsdrift, Riemvasmaak en die Kalahari se soutpanne en -duine.
'Die Broer Toer' het op Dinsdag, 5 Oktober om 21:00 op kykNET, DStv-kanaal 144 afgeskop.
Bennie Fourie en sy broers vat die pad in 'Die Broer Toer':