Die burgerregtegroep AfriForum sê hy het sy prokureurs opdrag gegee om klagte van korrupsie, bedrog en geldwassery teen die EFF-leier Julius Malema en sy adjunk Floyd Shivambu aanhangig te maak.

Die stap kom nadat ’n uitgelekte beëdigde verklaring deur VBS Mutual Bank se voormalige voorsitter, Tshifhiwa Matodzi, uiteengesit het hoe die EFF en sy leiers na bewering voordeel getrek het uit die nou ontbinde bank.

In early 2017 ‘at the EFF’s penthouse in Sandton’, the VBS-looter-in-chief Tshifhiwa Matodzi met Julius Malema, Floyd Shivambu and Marshall Dlamini — the result of that meeting culminated in R16.1m in stolen VBS funds as a ‘donation’ to the EFF. The ... https://t.co/53mZxzSlBX

— Daily Maverick (@dailymaverick) July 12, 2024

In die beëdigde verklaring het Tshifhiwa Matodzi uiteengesit hoe hy EFF-leiers Julius Malema en Floyd Shivambu in 2017 in ’n dakwoonstel in Sandton ontmoet het om die betalings te bespreek.

JUST IN:
Explosive evidence by Tshifhiwa Matodzi in an affidavit he signed directly implicates the EFF’s Floyd Shivambu and Julius Malema in the VBS corruption scandal. This is the first time direct evidence has surfaced about the scandal. pic.twitter.com/blOZzR4ZTA

— Ismail Abramjee (@IsmailAbramjee) July 11, 2024

“AfriForum het ook vir advokaat Gerrie Nel en sy span by AfriForum se Privaatvervolgingseenheid versoek om die saak te monitor en om druk op die vervolgingsproses te plaas indien dit blyk dat die Nasionale Vervolgingsgesag voete sleep,” het Kallie Kriel, uitvoerende hoof van AfriForum, Vrydag gesê.

“Sou die staat versuim om Malema en Shivambu te vervolg, sal AfriForum private vervolging as ’n alternatief oorweeg,” sê Kriel.

Infografika: X/Daily Maverick

Matodzi het skuldig gepleit op 33 klagte van onder meer korrupsie, diefstal en geldwassery, en voer nou aan dat die EFF sedert 2017 maandelikse donasies en ’n sogenaamde besigheidslening ten bedrae van miljoene rand deur ’n frontmaatskappy, Sgameka Projects, van VBS ontvang het. Dit blyk dat ’n bedrag van R5 miljoen oorspronklik oorbetaal is, waarna maandelikse donasies van R1 miljoen en ’n R4 miljoen-lening gevolg het. Matodzi se verklaring dui daarop dat dié geld as omkoopgeld aan die EFF betaal is, maar dat Malema en Shivambu veral in hul persoonlike hoedanigheid voordeel getrek het by dié transaksies. 

AfriForum voer aan dat Matodzi se verklaring voldoende gronde vir die NVG daarstel om ’n bewaringsbevel op Malema en Shivambu se bates te bekom.

“Die staat se versuim om Malema te vervolg vir sy aandeel in die On Point Engineering-korrupsiesaak het hom klaarblyklik die indruk gegee dat hy onaantasbaar is en dat hy eenvoudig kan voortgaan met sy betrokkenheid by beweerde korrupte aktiwiteite.

“Dit is belangrik dat Malema en Shivambu vervolg word vir die plundering van VBS, om ’n baie duidelike boodskap uit te stuur dat niemand verhewe is bo die wet nie,” het Kriel bygevoeg.

Die EFF moet nog kommentaar lewer oor die bewerings.

For any inquiries, please refer to the archives for answers. pic.twitter.com/oCak9cN7Iu

— Julius Sello Malema (@Julius_S_Malema) July 12, 2024

Partyleier Julius Malema het egter sy stilte verbreek in ’n plasing op X wat lui dat alle media-navrae na argiewe moet verwys.

Voorheen het die rooi barette enige betrokkenheid by die plundering van die VBS-bank ontken.

OFM Nuus cg