Agri Hour
Hoenderuitvoer deur Suid-Afrika moet op groter skaal geskied, maar daar is uitdagings─── CHRISTAL-LIZE MULLER 05:45 Tue, 26 Feb 2019
Suid-Afrika wil meer hoendervleis uitvoer na die buiteland, maar uitvoerlande soos Amerika, Brasilië en die Europese-unie rol ‘n klip in die pad daarvan.
Dit is volgens Izaak Breitenbach, hoofbestuurder van die Suid-Afrikaanse Pluimveeverening (SAPV) se braaikuiken-organisasie, wat meen die invoer van hoendervleis kniehalter plaaslike produsente, terwyl daar ook nie baie hoendervleis uitgevoer word nie.
Die invoer van hoendervleis het verlede jaar ‘n rekordhoeveelheid van meer as 538 000 ton hoendervleis bereik. Dit is meer as die rekordhoeveelheid hoender wat in 2016 ingevoer is.
Breitenbach sê die hoof uitvoerlande se streng toepaslike vito-sanitêre vereistes, en ander kwessies bemoeilik die uitvoer van Suid-Afrikaanse hoender. OFM-nuus se Christal-Lize Muller het met hom gepraat….
Dit was Izaak Breitenbach, hoofbestuurder van die Suid-Afrikaanse Pluimveevereniging, SAPV, se braakuiken-organisasie. Om weer na hierdie en ander insetsels te luister gaan na ofm.co.za, kliek op News, Agriculture en Before Dawn.
OFM-nuus
