Hy versprei dié inligting sodat produsente en kopers dieselfde inligting tot hul beskikking het om sodoende ingeligte besluite te neem met die aankoop en verkoop van lewende hawe op veilings. Dié inligting is handig en boere kan dit gebruik om ‘n aanduiding te kry van die prys wat diere kan behaal en ook wat kopers bereid is om te betaal. Die Noord-Vrystaat word as 'n indeksgebied gebruik.

Derksen verskaf ‘n markverslag vir 15 Oktober. Hy meen as dit binnekort reën in Namibië en Botswana, sal dit 'n onmiddellike beperking plaas op die toestroming van kalwers uit dié lande. Dié toestroming plaas die Suid-Afrikaanse mark onder druk en indien die droogtetoestande wat in dié lande voortduur, gebreek kan word, sal dit ‘n positiewe invloed op die prys van beeste plaaslik hê. Hy sê daarmee saam moet produsente onthou dat die beste skaapmark jaarliks tussen 25 November en 15 Desember is, wanneer mense baie skape vir die informele mark aankoop.

Hier is Derksen...

Sien onderstaande PODCAST

Dit was OFM-nuus se Christal-Lize Muller wat namens Chris Derksen, 'n bekende in die veebedryf, die veilingpryse van lewende hawe verskaf het. Vir meer inligting besoek www.vleisprys.co.za.

OFM-nuus