Mielies:

Maandag se Amerikaanse mieliepryse is laer, alhoewel die nuwe oes-termynkontrak tot dusver fraksioneel hoër is.

USDA se verslag oor uitvoerinspeksies het getoon dat 1,13 miljoen ton mielies oor die naweek verskeep is. Dit was 3,8% hoër as gedurende die week en 134% hoër as dieselfde week verlede jaar.

Die plaaslike mieliemark het Maandag meestal ondersteuning gevind en sterker verhandel oor alle wit- en geelmieliekontrakte wat tans gelys is.

Die witmieliemark het vir lewering in Julie 2021 R66/ton hoër verhandel vir die dag om teen R3 106/ton te sluit. Die geelmieliemark het vir lewering in Julie 2021 R51/ton hoër verhandel om teen R3 210/ton te sluit.

Sojabone:

Amerikaanse sojaboonkontrakte het stoom verloor en in die middagsessie swakker verhandel.

Die weeklikse uitvoerinspeksieverslag het getoon dat 1.778 miljoen ton sojabone, in die week geëindig op 7 Januarie, verskeep is. Dit was 'n toename van 1% in vergelyking met die vorige week, maar die versending was 54% hoër as dieselfde week verlede jaar.

Die plaaslike sojaboonmark het Maandag meestal ondersteuning gevind oor alle kontrakmaande wat tans gelys is.

Die plaaslike sojaboonmark het vir lewering in Mei 2021, R150/ton hoër verhandel vir die dag om teen R8 293/ton te sluit.

Koring:

Amerikaanse koringtermynkontrakte begin die nuwe week met verliese in SRW. HRS-termynkontrakte is ook tot dusver laer. HRW-termynkontrakte word gedurende die middagsessie gedeeltelik gemeng.

Die uitvoer van koring was 279 390 ton in die week wat op 7 Januarie geëindig het. Dit was laer as 475 000 ton verlede week en laer as die 652 000 ton dieselfde week verlede jaar.

Die plaaslike koringmark het Maandag meestal ondersteuning gekry tydens die dag se verhandelinge oor al die kontrakte wat tans gelys is.

Die plaaslike koringmark vir lewering in Maart 2021 het R14/ton hoër verhandel en gesluit teen R5 124/ton.

OFM-nuus