Skoolkinders leer meer oor die skaapskeer-vaardigheid
CHRISTAL-LIZE MULLER
07:17 Tue, 12 Mar 2019
Skoolkinders leer meer oor die skaapskeer-vaardigheid | News Article
FOTO: Argief
Die Bloemskou se jaarlikse skeerdemonstrasies in samewerking met die Nasionale Wolkwekersvereniging (NWKV) vind vandeesweek by verskeie Bloemfonteinse skole plaas.


Dié inisiatief bied ‘n geleentheid aan kinders om meer te leer oor die landboubedryf en meer spesifiek die lewering van wol. Die hoof-uitvoerende beampte van Bloemskou, Elmarie Prinsloo, sê die demonstrasies behels die skeer van skape met die hand en ‘n skeermasjien, waarna dié twee metodes deur skeerders in 'n kompetisie ten toon gestel word. OFM-nuus se Christal-Lize Muller het met Prinsloo gepraat…  



Demonstrasies vind op 'n skeerplatvorm plaas en word deur Izak Kloppers van NWKV, wat ook betrokke is by die opleiding van skaapskeerders in Suid-Afrika, aangebied. Die skeerdemonstrasies het gister by die Primêre Skool Jim Fouché begin. Dit vind vandag by die Vrystaat-nasorgsentrum en Lettie Fouché-skool plaas, en Donderdag by die Laerskool Sentraal. Die demonstrasies gaan volgende Maandag voort by Grey-kollege Primêr, tydens die skool se Supersport-week.



Related Articles:

Cookies help us deliver our services. By using our site, you agree to our use of cookies. Tell me more