Hy sê Januarie is uit die aard van die saak "regskudtyd" wat 'n geleentheid bied waarin daar bepaal word wat geprioritiseer moet word, terwyl keuses beskikbaar is om oor te besluit. Hy vergelyk dit met kaarte wat uit 'n hoed getrek word.

Hy sê 'n gunstige kaart uit die hoed is 2020 wat vir talle boere goed begin het met mildelike reën. In die middel van Januarie was 90% aanplantings op landerye gedoen. Daarmee saam het die Nasionale Oesskattingskomitee (NOK) 'n positiewe siening vir vanjaar se mielieoes. Dit is ook deur die Amerikaanse departement van landdbou bevestig.

Suid-Afrika sal in alle waarskynlikheid slegs 'n uitvoerder bly van mielies, maar dié oes is nog nie in die spreekwoordelike sak van boere nie. Hulle moet steeds duim vashou dat die weersomstandighede gunstig is vir grondvog.

Druk op die graanaanbod uit Suid-Afrika gaan ook verander, nadat Zimbabwe GMO-mielies (genetiese gemanipuleerde organismes)kan invoer, maar daarteenoor wurg die bevolking van Nigerië onder 'n verbod op die invoer van kos.

Beesboere met bemarkbare vee het onlangs in Namibië rekordpryse behaal, terwyl hul eweknieë in Suid-Afrika met ‘n swak hand kaarte sit weens 'n verbod op veilings weens die uitbreking van bek-en-klouseer in Limpopo.

Sien onderstaande PODCAST

Dit was die landbou-ekonoom, Kobus Laubscher, wat met OFM-nuus se Christal-Lize Muller gepraat het.

OFM-nuus