Agriculture
30ste wolveiling van die seisoen het vandeesweek plaasgevind─── 05:00 Fri, 06 May 2022
Die Cape Wools Merino-aanwyser het vandeesweek vir nie-RWS wol met 0,9% gestyg, terwyl dit ook met 0,9% vir RWS wol gestyg het, teenoor die vorige veiling.
Sien onderstaande PODCAST
Heinrich Victor, senior wolbemarker by OVK, sê dit het teen 'n skoonprys van R160,80/kg en R174.68/kg, onderskeidelik gesluit.
Die Rand het 0,6% swakker verhandel teen die VSA Dollar en 0,8% sterker teenoor die Euro, ooreenstemmend dieselfde tyd van die vorige veiling.
Daar is in totaal 9 341 bale aangebied, waarvan 78.2% verkoop is.
In totaal was daar 9 341 bale aangebied, waarvan 78,2% verkoop is.
“Op die OVK-veiling is 2 581 bale aangebied, waarvan 80,9% verkoop is.
“Die hoogste prys op die OVK-veiling - van R210/kg - is behaal vir ‘n 2 baal lot CL van 15,9 mikron, uit die skeersel van die Glenelg Trust vanuit die Steynsburg-distrik.
“Die koper was Standard Wool SA,” deel Victor.
Skakel gerus met OVK om u by te staan in die RWS-sertifiseringsproses.
Die volgende wolveiling is vir 11 Mei 2022 geskeduleer, wat ook die laaste veiling van die seisoen gaan wees.
