Mielies:

• Die CBOT-mieliekontrakprys vir die naaste handelsmaand onveranderd verhandel weens 'n Amerikaanse vakansiedag. Die Internasionale Graanraad (IGC) het sy voorspelling vir 2023/24 wêreldwye mielieproduksie met 9,2 megaton verhoog, grootliks vanweë goeie vooruitsigte in China en Brasilië.
• Die plaaslike SAFEX-mieliekontrakte het Dinsdag met opwaartse tendense verhandel vir beide wit- en geelmieliekontrakte. Die witmieliemark het vir lewering in Junie 2023 met R41/ton (+1,13%) hoër verhandel om teen R3 678/ton te sluit. Die geelmieliemark het vir lewering in Junie 2023 met R45/ton (+1,20%) hoër verhandel om teen R3 810/ton te sluit.
• Plaaslike produsente begin om die mielie-oes wat in 2022 geplant is, te stroop, met vooruitsigte vir 'n gemiddelde nasionale opbrengs van 6,3 ton per hektaar en 'n produksie van 16,19 miljoen ton.

Sojaboon:

• Die CBOT-sojaboonkontrakprys vir die naaste handelsmaand onveranderd verhandel weens 'n Amerikaanse vakansiedag.
• Die binnelandse sojaboonkontrakte het Dinsdag met effense afwaartse tendense verhandel. Die plaaslike sojaboonmark het vir lewering in Junie 2023 het met R10/ton (-0,13%) gedaal en teen R7 805/ton gesluit.
• Sojaboonoes is tans goed op dreef met vooruitsigte vir 'n nasionale opbrengs van 2,4 ton per hektaar en totale produksie van 2,76 miljoen ton.

Koring:

• Die CBOT-koringkontrakprys vir die naaste handelsmaand onveranderd verhandel weens 'n Amerikaanse vakansiedag.
• Die binnelandse koringkontrakte het Dinsdag met opwaartse tendense verhandel. Die Junie 2023 koringkontrak het R11/ton (+0,17%) hoër verhandel en teen R6 615/ton gesluit.
• Aan die einde van April het die plaaslike mark die voornemens ontvang om te plant vir die 2023 wintergewas geplant seisoen. Koringhektare is na raming 4,3% laer, terwyl gars en hawer aansienlike toenames gesien het. 
• In Augustus sal die mark die eerste oogopslag van geskatte produksie kry.

Vir meer inligting oor die huidige kommoditeits mark, besoek gerus Graan SA se webtuiste. 

OFM-nuus