Mielies:

• Die CBOT-mieliekontrakprys vir die naaste verhandelingsmaand het Maandagoggend met 'n skerp afwaartse neiging verhandel.
• Daar is projeksie vir 'n hittegolf in die VSA oor die volgende paar weke, wat oestoestande verder kan verswak terwyl die mielie-oes in piek reproduksiestadiums is. 
• Sedert middel Junie het die USDA-gewasvorderingsverslag stadig gewastoestande verbeter, maar toestande is steeds swak vergeleke met vorige seisoene. Dit is belangrik om in gedagte te hou dat selfs al is die Amerikaanse oesopbrengs laag, die VSA aangeplante hektaar die hoogste sedert die 2016/2017-produksieseisoen is.
• Die binnelandse mieliekontrakte het Maandag met skerp opwaartse tendense verhandel. 
• Die plaaslike nabymaand witmieliekontrak vir lewering in Julie 2023 het met R95/ton (+2,52%) geklim en teen R3 868/ton gesluit. Die plaaslike nabymaand geelmieliekontrak het vir lewering in Julie 2023 met R89/ton (+2,35%) geklim en teen R3 880/ton gesluit.

Sojabone:

• Die CBOT-sojaboonkontrakprys vir die naaste kontrakmaand het Maandagoggend met 0,64% gestyg.
• Die VSA sojaboonoes is tans ook in hul piek reproduktiewe stadium. Met vooruitskattings vir warm en droë toestande vroeg in Augustus, kan huidige opbrengste verlore gaan. 
• Selfs met gunstige toestande sedert Julie, dui die USDA-oesvorderingsverslag steeds aan dat die sojaboonoestoestande swakker is in vergelyking met vorige seisoene. Wêreldwyd is ons steeds gereed vir 'n goeie sojaboonoes.
• Die binnelandse sojaboonkontrakte het Maandag met skerp opwaartse tendens verhandel. Die plaaslike sojaboonmark het vir lewering in Julie 2023 met R174/ton (+2%) geklim en teen R8 865/ton gesluit.

Koring:

• Die CBOT-koringkontrakprys vir die naaste handelsmaand het Maandagoggend 4,2% laer verhandel.
• Vir eers lyk dit of die Swartsee-ooreenkoms opgeskort is. Met die eskalasies in konflik kan marksentiment egter verander. 
• Droogtegeteisterde Argentinië het onlangs genoeg neerslae gekry om verhoogde koringproduksie vir die land se komende 2023/2024 bemarkingsjaar te ondersteun.
• Die binnelandse koringkontrakte het Maandag met skerp opwaartse tendense verhandel. 
• Die plaaslike koringmark het vir lewering in Julie 2023 met R135/ton (+1,99%) geklim en teen R6 920/ton gesluit. Die September 2023-kontrak het met R148/ton geklim en gesluit teen R6 700/ton.

Vir meer inligting oor die huidige kommoditeitsmark, besoek gerus Graan SA se webtuiste. 

OFM Nuus