Sommige mense sou dink sy kunswerk is goed genoeg om te eet – of dalk was dit net ’n geval van verbode vrugte.

Maurizio Cattelan se kunswerk het die naweek sy trefkrag verloor nadat ’n honger Suid-Koreaanse student 'n piesang geëet het, wat deel daarvan was.

Noh Huyn-soo van die Universiteit van Seoul het ’n veer gevoel en die piesang doodluiters van die muur afgeruk en dit voor die omstanders opgeëet.

Hy het gedink hy is baie oulik en die skil teen die muur vasgeplak, maar die museum moes dit later met 'n vars piesang vervang. Sy vriend het die petalje verfilm wat sowat ’n minuut geduur het.

“Die student se reaksie was dat hy honger was,” het ’n museumwoordvoerder aan CNN gesê.

"Dit het skielik gebeur en geen spesiale stappe is gedoen nie. Die kunstenaar (Catelan) is ingelig, maar hy het nie daarop reageer nie,” sê die woordvoerder.

In video's wat aanlyn geplaas is, kan gehoor word dat iemand sê "verskoon my", maar die student maak of hy dit nie hoor nie.

Lees meer hier: 'Hungry' South Korean student takes banana from Maurizio Cattelan's art installation from wall and eats it | World News | Sky News