Agriculture
82,2% van bale tydens laaste wolveiling van seisoen verkoop─── ELSABÉ RICHARD 05:00 Fri, 10 Jun 2022
Daar is gedurende die 34ste wolveiling van die 2021/22-seisoen 10 340 bale aangebied, waarvan 82,2% verkoop is.
Hierdie was ook die laaste wolveiling van die genoemde seisoen.
Sien onderstaande PODCAST
Heinrich Victor, senior wolbemarker by OVK, sê die Cape Wools Merino-aanwyser het met 0,2% vir nie-RWS, en 1,9% vir RWS wol verswak teenoor die vorige veiling, en teen 'n skoonprys van R164,91/kg en R180,07/kg onderskeidelik gesluit.
LEES OOK: #FMD: Wool industry in conversation with China following ban
Hy sê die Rand het 0,9% sterker verhandel teen die VSA Doller en 1,1% sterker teenoor die Euro, ooreenstemmend dieselfde tyd van die vorige veiling.
“Op die OVK veiling is 2 556 bale aangebied, waarvan 85,1% verkoop is.
“Die hoogste prys op die OVK veiling, van R241.00/kg, is behaal vir ‘n 1 baal lot CFH van 16.6 mikron, uit die skeersel van JR de Villiers, vanuit die Aliwal-Noord-distrik.
“Die koper was Standard Wool SA,” deel Victor.
Skakel gerus met OVK om u by te staan in die RWS-sertifiseringsproses.