’n Onafhanklike landbouweerkundige Johan van den Berg sê dagtemperature behoort deur die loop van die week te verbeter. Nagtemperature sal egter steeds redelik laag bly.

LEES OOK: Dit sneeu, bevestig die SA Weerdiens – VIDEO’S, FOTO’S

'n Volgende frontale stelsel sal na verwagting vanaf 17 Julie voorkom. "Op hierdie stadium lyk dit nie of dit weer gaan sneeu nie, maar dat daar weer koue toestande gaan voorkom met reën wat weer oor die Wes-Kaap gaan val."

Sneeu het ook oor dele van Suid-Afrika geval, insluitende Gauteng en plek-plek in die Vrystaat.

Die huidige koue toestande kan ’n nadelige uitwerking op vee en kwesbare gewasse hê. Die bibberweer kan ook die skeer van skape verder vertraag. Die Suid-Afrikaanse Weerdiens waarsku boere moet in die koue maande voldoende beskutting vir hul kleinvee voorsien, asook genoeg kos en water om hul gesondheid en welsyn te beskerm.

OFM Nuus